Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

2910 er sînhalp sach, sô vreute er sich,
        wan ir beider lîp was wünneclich.
        sîn sun geviel im wol,
        als einem man sîn kint sol,
        des schœne wol gerâten hât
2915 und alsô gar ze lobe stât:
        doch geviel im vrouwe Ênîte baz.
        wol bescheinte er in daz:
        er vuorte si heim ze Karnant
        unde gap dô sîn lant
2920 in ir beider gewalt,
        daz er ze künege wære gezalt
        und daz si wære künegîn:
        er hiez si beide gewaltic sîn.
        Êrec was biderbe unde guot,
2925 ritterlîche stuont sîn muot
        ê er wîp genæme
        und hin heim kæme:
        nû sô er heim komen ist,
        dô kêrte er allen sînen list
2930 an vrouwen Ênîten minne.
[ zurück ]