einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec2910 er sînhalp sach, sô vreute er sich,wan ir beider lîp was wünneclich. sîn sun geviel im wol, als einem man sîn kint sol, des schœne wol gerâten hât 2915 und alsô gar ze lobe stât: doch geviel im vrouwe Ênîte baz. wol bescheinte er in daz: er vuorte si heim ze Karnant unde gap dô sîn lant 2920 in ir beider gewalt, daz er ze künege wære gezalt und daz si wære künegîn: er hiez si beide gewaltic sîn. Êrec was biderbe unde guot, 2925 ritterlîche stuont sîn muot ê er wîp genæme und hin heim kæme: nû sô er heim komen ist, dô kêrte er allen sînen list 2930 an vrouwen Ênîten minne. |