einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius3788 daz kam ir zallem guote:wande ez enwart dâ ze stat nie bâbest gesat der baz ein heilære der sêle wunden wære.3793 Er kunde wol ze rehte leben, wan im diu mâze was gegeben von des heiligen geistes lêre. des rehten huote er sêre. ez ist reht daz man behalte3798 diemüete in gewalte (dâ genesent die armen mite) und sol doch vrävellîche site durch die vorhte erzeigen und die mit rehte neigen3803 die wider dem rehten sint. ob aber ein des tiuvels kint durch die stôle niene tuo, dâ hœret danne gewalt zuo. des sint diu zwei gerihte guot:3808 si lêrent reht, slahent hôhen muot. |