Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

3968 'nû wis dû vrävel unde vrô:
        wie soldestû verwâzen wesen?
        sît daz dise sint genesen
        nâch ir grôzen meintât,
        sô wirt dîn alse guot rât;
3973 und ist daz ich genesen sol,
        sô genise ich alsô wol.'
        swen des der tiuvel schündet
        daz er ûf den trôst sündet,
        den hât er überwunden
3978 und in sînen gewalt gebunden:
        und ist joch sîn sünde kranc,
        sô kumet der selbe gedanc
        mit tûsentvalter missetât
        und wirt sîn niemer mêre rât.
3983 dâ sol der sündige man
        ein sælic bilde nemen an,
        swie vil er gesündet hât,
        daz sîn doch wirt guot rât,
        ob er die riuwe begât
3988 und rehte buoze bestât.
[ zurück ]