Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

493 'entriuwen vürhtent sî dich?'
      'ich pflige ir, und sî vürhtent mich
      als ir meister unde ir herren.'
      'sage, waz mac in gewerren
      dîn meisterschaft und dîn huote,
498 sine loufen nâch ir muote
      ze walde und ze gevilde?
      wan ich sihe wol, sî sint wilde,
      sine erkennent man noch sîn gebot.
      ichn wânde niht daz âne got
503 der gewalt iemen töhte
      der sî betwingen möhte
      âne sloz und âne bant.'
      er sprach 'mîn zunge und mîn hant,
      mîn bete unde mîn drô,
508 die hânt mirs gemachet sô
      daz sî bibende vor mir stânt
      und durch mich tuont unde lânt.
      swer ouch anders under in
      solde sîn als ich bin,
513 der wære schiere verlorn.'
[ zurück ]