Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

7698 sô kumt ir des strîtes abe
        mit schanden unde ân êre.
        sus ist ez iemer mêre
        iuwer prîs und iuwer heil,
        lât ir ir mit minnen ir teil.'
7703 Diz redte er, wander weste
        ir herze alsô veste
        an hertem gemüete,
        durch reht noch durch güete
        enhete sîz nimmer getân.
7708 sî muose gewalt od vorhte hân:
        nu gewan sî vorhte von der drô.
        'nû tuot dermite,' sprach sî dô,
        'weder minre noch mê
        niuwan daz iu rehte stê.
7713 beide ich wil und muoz sî wern,
        sît daz irs niht welt enbern.
        ich teile ir liute unde lant:
        des sît ir bürge unde pfant.'
         Dô sprach der künec 'daz sî getân.'
7718 wandez an in was verlân,
[ zurück ]