Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Klage

721 - wan daz dû mich sîn niht erlâst
      mit üppekeit die dû dâ hâst -,
      mich enhœret nie dehein man klagen,
      und wolt in geduldiclîchen tragen
      durch unser beider êre;
726 wan mîn ahte ist niht mêre
      wan wie ich dir müge gefüegen
      des dich sol genüegen
      freudebærer wünne.
      der allez mankünne
731 geschuof und in sîner gewalt hât,
      der gebe uns heil unde rât
      daz ich noch daz erringe
      daz uns an ir gelinge.
      Des gewerbes, unz ich daz leben hân,
736 lâz ich dich niemer abe gân.
      von diu vernim, lîp, waz dû tuo.
      grîf vil manlîchen zuo,
      wan ich erlâze dich sîn niht.
      swaz kumbers dir dâ von geschiht,
741 des zel mir diu zwei teil.

[ zurück ]