einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Klage817 ziph, welch ein hövescher lîp!welchen tiuvel hæte ein wîp selher wîs an dir ersehen daz sî dir liebe lieze geschehen? Sich, lîp, mir ist alsô wê822 sam dem bluomen under dem snê der in dem merzen ûf gât, wan er niht ganzer helfe hât dannoch von der sumerzît. er duldet manigen herten strît827 von des winters gewalt; er tuot im dicke ze kalt, unde sô er wære schœne, ob in verbære des winters meisterschaft,832 sô benimt er im sîne kraft, und trîbet in von sînem rehte der winter und sîne knehte, daz ist der rîfe und der wint, die den bluomen schade sint.837 Ouch vellet sî dicke der snê. |