einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec6465 er möhte baz gesingendanne weinen unde klagen. ich muoz doch die rihte sagen, iuwer jâmer ist alze vester. hiute wider gester 6470 sô stât iuwer dinc doch ungelîch. ê wâret ir arm, nû sît ir rîch: vor wâret ir niemen wert, nû hât iuch got êren gewert: ê wâret ir vil unerkant, 6475 nû sît ir gewaltic über ein lant: ê in swacher schouwe, nû ein rîchiu vrouwe: vor muostet ir ûz der ahte sîn, nû sît ir ein mehtic grævîn: 6480 ê vuoret ir wîselôs, unz iuwer sælde mich erkôs: vor wâret ir aller genâden bar, nû habet ir die êre gar: ê litet ir michel arbeit, 6485 dâ von hât iuch got geleit: |