Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

2045 mîn herre wolt in hân erslagen:
        heter im daz durch mich vertragen
        und het in lâzen genesen,
        sô wær ich im ze liep gewesen:
        wan sô wærer selbe tôt.
2050 daz er in sluoc, des gie im nôt.'
         Sus brâhte siz in ir muote
        ze suone und ze guote,
        und machte in unschult wider sî.
        dô was gereite dâ bî
2055 diu gewaltige Minne,
        ein rehtiu süenærinne
        under manne und under wîbe.
        si gedâhte 'mit mînem lîbe
        mac ich den brunnen niht erwern:
2060 mich muoz ein biderbe man nern,
        ode ich bin benamen verlorn.
        weizgot ich lâze mînen zorn,
        ob ez sich gevüegen kan,
        und enger niuwan des selben man
2065 der mir den wirt erslagen hât.
[ zurück ]