einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich1016 -diu maget wart rîches muotes daz ers gevolgete gerne- und bereite sich ze Salerne sô er schierest mohte. swaz joch der maget tohte, 1021 daz wart vil schiere bereit: schœniu phärt und rîchiu kleit diu si getruoc nie vor der zît, hermîn unde samît, den besten zobel den man vant, 1026 daz was der mägede gewant. Nû wer möhte vol gesagen die herzeriuwe und daz klagen und ir muoter grimmez leit und ouch des vater arbeit? 1031 ez wære wol under in beiden ein jæmerlîchez scheiden, dô si ir liebez kint von in gevrumten sô gesundez hin niemer mê ze sehenne in den tôt, 1036 wan daz in senfterte ir nôt |