Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

1605 neben der mane vlugen diu bein,
        ob des sateles ich schein
        als ich wære gemâlet dar,
        ders möhte hân genomen war.
        mit guoter gehabe ich reit
1610 âne des lîbes arbeit:
        ich gap im sô senften gelimph
        als ez wære mîn schimph,
        und sô ich mich mit sporen vleiz
        ûf ein langez puneiz,
1615 sô kunde ich wol gewenden
        daz ors ze beiden henden.
        gejustierte ich ie wider keinen man,
        dâ gevâlte ich nie an,
        mîn merken würde wol bewant
1620 ze den vier nageln gegen der hant.
        nû helfet, lieber herre, mir
        daz diu ritterlîche gir
        mit werken müeze volgân:
        sô habet ir wol ze mir getân.'
1625 'Sun, dû hâst mir vil geseit,
[ zurück ]