Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

1610 in des küneges hof kam.
        diu küneginne si nam
        vriuntlîchen bî ir hant
        und gienc dâ si den künec vant
        sitzen nâch sînem rehte
1615 mit manegem guoten knehte
        dâ zuo der tavelrunde.
        die zer selben stunde
        dâ gesâzen oder sît,
        der hete einer âne strît
1620 an lobe den besten gewin.
        des jâhen si alle under in,
        wande er nâch sage nie
        deheine bôsheit begie
        unde tugent sô manecvalt
1625 daz man in noch zalt
        ze einem dem tiuristen man
        der ie stat dâ gewan:
        des hete er zem sedel guot reht,
        Gâwein der guote kneht.
1630 dâ bî Êrec fil de roi Lac
[ zurück ]