Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

8375 nâhen unde verre
        hânt mir die liute vor gezalt
        wunder vil manecvalt
        von dises hûses êre.
        desn vrâge ich nû niht mêre,
8380 wan ichz selbe hân ersehen
        und muoz von schulden mite jehen:
        si hânt benamen die wârheit.
        ouch ist mir mære geseit
        daz hie ein âventiure bî
8385 mit starkem gewinne sî
        von einem guoten knehte.
        nû weste ich gerne rehte
        wiez hier umbe wære gewant:
        daz tuot mir, herre wirt, erkant."
8390 der künec ein wîle des gesweic:
        daz houbet im ze tal seic,
        und saz ein teil in riuwen.
        daz kam von sînen triuwen,
        und benamen bî sîner vrümekeit
8395 was im des gastes vrâge leit,
[ zurück ]