Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

9097 swie sêre si würden dar getriben.
        wider zugen si diu sper
        in manlîcher ger
        und riten von ein ander dan,
        die zwêne gelîch gemuote man,
9102 durch tjostieren mêre.
        diu ros wurden aber sêre
        und vaste mit den sporn gemant
        und wider zesamene gesant.
        hie huop sich herzeminne
9107 nâch starkem gewinne.
        si minneten sunder bette:
        diu minne stuont ze wette,
        sweder nider gelæge,
        dem wart der tôt wæge.
9112 mit scheften si sich kusten
        durch schilte zuo den brusten
        mit selher minnekrefte
        daz die eschînen schefte
        kleine unz an die hant zekluben
9117 und daz die spiltern ûfe stuben.
[ zurück ]