Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

6394 daz wir niht hungers sterben.
        man lônet uns als ich iu sage:
        nû sprechet wer von dem bejage
        rîche wesen kunde.
        man gît uns von dem pfunde
6399 niuwan vier pfenninge.
        der lôn ist alze ringe
        vür spîse und vür cleider:
        des sîn wir ouch der beider
        vil rehte dürftiginne.
6404 von unserme gewinne
        sô sint sî worden rîche,
        und leben wir jæmerlîche.'
         Nu erbarmet in ir ungemach:
        er siufte sêre unde sprach
6409 'nû sî got der süeze
        der iu vrouwen büeze
        iuwer unwerdez leben,
        und ruoche iu sælde und êre geben.
        mir ist iuwer kumber leit:
6414 und wizzet mit der wârheit,
[ zurück ]