Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Klage

1335 und enblandez dînem lîbe;
        wan sol eht dir von wîbe
        iemer rehte wol ergân,
        sô muost dû diz zouber hân.
        ouch ist ez eines dinges guot,
1340 daz man ez âne laster tuot
        und âne grôze sünde.
        wol in der ir hât künde!
        daz ist zer werlte ein sælekeit
        und ist gote niht ze leit,
1345 ez ist bêdenthalp ein gewin,
        got und diu werlt minnet in:
        swer den selben zouberlist kan,
        der ist zer werlte ein sælic man.
        Ich râte dir den einen
1350 und anders deheinen;
        wan daz wære misselungen,
        würde ein wîp betwungen
        mit zouberlîchen dingen.
        du endarft niht ûz dingen,
1355 wan ich enwil anders niht.

[ zurück ]