Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

1415 daz ir ze rîtenne gezam,
        von ir nifteln, einer maget:
        diu was, sô man saget,
        mit dem herzogen dâ
        unde sîn niftel nâ.
1420 vil güetlîche si in es bat,
        alsô lange unz ûf die stat
        daz er ez von ir emphie.
        und wizzet wol daz vordes nie
        in der werlde dehein man
1425 schœner pherit mê gewan.
        ez enwas ze michel noch ze kranc,
        sîn varwe rehte harmblanc,
        sîn man tief unde reit,
        [sîn brust starc unde breit,]
1430 mit ganzem gebeine,
        ze grôz noch ze kleine.
        sîn houbet truocz ze rehte hô.
        ez was senfte unde vrô,
        mit langen sîten,
1435 man mohtez wol gerîten,
[ zurück ]