einen Buchstaben wählen: | a | ā | b | c | d | e | ė | ź | g | h | i | ī | j | k | l | m | | n | o | ō | | p | q | r | s | t | u | ü | ū | w | z | [ zurück ]
Erec2315 der schiltrieme ein bortemit guotem gesteine: des enwas er niht eine. si wāren innen alle gelīch, die riemen alsamelīch. 2320 nū pruofte er nāch der ahte sō er behendeclīchest mahte drī banier samelīch, einem iegelīchen schilte sīn gelīch. dar zuo Źrec der junge man 2325 mit Artūses helfe gewan, des küneges von Britanje, vünf ros von Spanje, helme von Poitiers, halsberge von Schamliers, 2330 īserkolzen von Glenīs. der herre junc unde wīs ze ieglīchem rosse vuorte er von Lōfaigne zehen sper, von Etelburc die schefte, 2335 geverwet ze ritterschefte. |