einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec3342 diu vünf ros under sich.daz was doch ungenædeclich, wan ez diente von rehte Êrecke dem guoten knehte: er kundes wol geniezen. 3347 ouch vluren si ir liezen. Êrecke was diu rede unkunt. nû bereite sich einer dâ zestunt engegen im dâ er in sach. vil sorclîchen ungemach 3352 vrouwe Ênîte gewan. si gedâhte: "warne ich mînen man, sô briche ich aber sîn gebot. er enlâtz durch êre noch durch got, er enneme mir den lîp. 3357 ouwê ich sældenlôsez wîp! wære ich nû niuwan tôt, daz næme ich vür dise nôt: sô wære mir verre baz geschehen. sol ich den slahen sehen 3362 der mich von grôzer armuot |