Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

351 von diu tuot siz mit rehte."
      diu juncvrouwe des niht enliez
      si entæte als si ir vater hiez.
      daz pherit begienc ze vlîze
      ir hende vil wîze:
356 und wære daz got hie ûf erde rite,
      ich wæne in genuocte dâ mite,
      ob er selhen marstaller hæte.
      swie si schine in swacher wæte,
      sô weiz ich daz wîp noch man
361 süezern schiltkneht nie gewan
      dan Êrec fil de roi Lac,
      dô si sînes pherdes phlac.
      im zam von selhem knehte
      sîn vuoter wol mit rehte.
366 hie wart der gast berâten
      als si des state hâten.
      guote teppeche gespreit
      unde dar ûf geleit
      alsô rîchiu bettewât
371 sô si diu werlt beste hât,
[ zurück ]