einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec4629.52 daz ir nû mit mir hinrîtet unde dâ bî in geruowet nâch iuwerm leide. si sehent iuch gerne beide." alsus was im gedâht: 4629.57 hete er in ze hove brâht, daz er danne wolde sagen, er hete im die wunden geslagen und er solde gevangen sîn. dar an wart volleclîche schîn 4634 daz diu werlt nie gewan deheinen seltsænern man. sîn herze was gevieret: etewenne gezieret mit vil grôzen triuwen 4639 und daz in begunde riuwen allez daz er unz her ie ze unrehte begie, alsô daz er vor valsche was lûter sam ein spiegelglas 4644 und daz er sich huote |