Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

4683 dem künege Artûse
        zewâre oder ich enmac."
        Êrec fil de roi Lac
        wart ein teil dâ von beweget.
        er sprach: "ich wæne ir enmeget.
4688 dâ von ist iu alsô guot,
        ir habet dar umbe ringen muot:
        wan welt ir mich dar bringen,
        ir müezet mich es twingen.
        doch sît ir vrum, ir bringet mich hin,
4693 wan ich iu wol gewunnen bin."
        "ich weiz wol", sprach Keiin,
        "daz ich harte vrum bin.
        ê ir michs überstrîtet
        daz ir sus hinnen rîtet,
4698 irn gesehet mînen herren,
        wandez iu niht mac gewerren,
        ich twinge iuchs güetlîchen.
        dâ von sult ir entwîchen
        und mînen herren gesehen.
4703 daz muoz benamen geschehen."
[ zurück ]