einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec5317 unz daz er rehte dar kamdâ si von klage michel leit in dem wilden walde erleit. ir riuwigen hende hâten daz gebende 5322 unschône abe gestroufet: zekratzet und zeroufet hete sich daz lîplôse wîp, daz ir diu wât und der lîp mit bluote was berunnen. 5327 si hâte ouch gewunnen von jâmer selhe swære daz doch niemen wære alsô vestes herzen, hæte er ir smerzen 5332 zuo den zîten gesehen, sît ich der wârheit sol jehen, si enmüeste im erbarmen. als er dô die armen in selher ungehabe sach, 5337 vil nâch weinende sprach |