Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

5343 durch got saget balde
        ob ich iu ze staten müge komen."
        nû hâte ir benomen
        diu bitter leides grimme
        vil nâch gar die stimme:
5348 ir herzen sûft daz wort zebrach
        daz si vil kûme gesprach:
        "weinens gât mir michel nôt.
        herre, mir belîbet tôt
        der aller liebiste man
5353 den ie wîp gewan."
        Êrec sprach: "vrouwe, wiest daz komen?"
        "herre, dâ hânt mir in benomen
        zwêne risen, die vuorten in
        des gevertes vor mir hin.
5358 herre, si enlânt in niht genesen,
        wan si sint im gewesen
        vîent nû vil manegen tac.
        ouwê wie wol ich weinen mac!"
        "vrouwe, sint si iht verre?"
5363 "nein si, lieber herre."
[ zurück ]