Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

6937 den helm er im abe bant
        und wolde in vol hân erslagen.
        daz enmohte diu vrouwe niht vertragen.
        dâ si dort stuont verborgen
        in grôzen sorgen,
6942 si entwelte deheine wîle,
        si spranc ûz dem zîle
        und begunde sich vellen
        über ir gesellen.
        si sprach: "nein, ritter guot,
6947 gewünne dû ie ritters muot,
        niht erslach mir mînen man!
        und gedenke dar an:
        er ist wunt sêre,
        dû bist sus gar âne êre,
6952 swaz dû im nû mê getuost,
        wan dû es sünde haben muost.
        in hât der künec Guivreiz,
        ob ich sînen namen weiz,
        verwundet in die sîten."
6957 Guivreiz vrouwen Ênîten
[ zurück ]