Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

9043 "welt dan ir, sô wil ouch ich."
        "wes ist dir, tumber gouch, gedâht?"
        "des werdet ir wol innen brâht."
        "ez wirt dir ein vil leidez spil."
        "irn sprechet niht: ob got wil."
9048 "wie versmâhet dir mîn rede sô?"
        "ich enahte niht ûf iuwer drô
        und wil si wol genôzen
        zwein bergen grôzen.
        die swuoren bî ir sinnen
9053 daz si wolden gewinnen
        in selben ein gezæmez kint,
        ein grôzez, als ouch si dâ sint.
        dô verhancte des got
        daz ez wart der liute spot,
9058 und gebâren eine veltmûs.
        ouch sint verbrunnen grôziu hûs
        von wênigem viure.
        in ist daz ellen tiure,
        die sô grimmeclîch wellen sîn.
9063 daz selbe sol hie werden schîn.
[ zurück ]