Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

936 die schœnen vrouwen Ênîten,
      daz half im vaste strîten:
      wan dâ von gewan er dô
      sîner krefte rehte zwô.
      ûf den helm er verbant
941 mit vil williger hant.
      doch jener die besten würfe warf
      der kein zabelære bedarf,
      dô half disen daz ern nie
      ûz den slegen komen lie,
946 und gewan ez eine wîle
      sô sêre mit der île
      unz er doch daz spil verlôs
      und gelac vor im sigelôs.
      sînen geiselstreich er rach.
951 als erm den helm abe brach,
      dô lôste erm ouch daz hüetelîn
      als er solde erslagen sîn,
      wan daz er des geruochte
      daz er genâde suochte.
956 "durch got erbarme dich,
[ zurück ]