Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Gregorius

1773 alsus vil ist dîner habe:
        dâ begâstu dich schône abe
        ze anderm gewinne,
        hâstû deheine sinne.'
         Des antwurte im Grêgôrius
1778 vil sêre weinende sus:
        'ouwê, lieber herre,
        ich bin vervallen verre
        âne alle mîne schulde.
        wie sol ich gotes hulde
1783 gewinnen nâch der missetât
        diu hie vor mir geschriben stât?'
        'vil lieber sun, daz sage ich dir.
        dêswâr, daz geloube mir,
        gestâstû bî der ritterschaft,
1788 sich, sô mêret sich diu kraft
        dîner tägelîchen missetât
        und enwirt dîn niemer rât.
        dâ von sô lâ dîn irrikeit
        die dû an hâst geleit
1793 unde diene gote hie.

[ zurück ]