Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

2790 daz ich dich vrâz behielte,
        sô næme dich, grôz gebûre,
        der rede vil untûre,
        so ich hînte entsliefe und mîn wîp,
        daz dû uns beiden den lîp
2795 næmest umbe unser guot.
        ouwê wie übel diu werlt tuot,
        daz die liute under in
        duldent selhen ungewin,
        sô manigen unnützen man
2800 des got nie êre gewan,
        und wüestent doch die liute.
        ez wære ein breit geriute
        ze dînen armen wol bewant:
        ez zæme baz in dîner hant
2805 ein houwe und ein gart
        danne dîn umbevart.
        ez ist ein wol gewantez brôt
        (daz dir der tiuvel tuo den tôt!)
        daz dû vrâz verswendest.
2810 wie dû dîn sterke schendest!
[ zurück ]