einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich486 nu enwolde sis in niht gesagen. dô ir vater aber tete vil manige drô unde bete daz siz in müese sagen, si sprach: >ir möhtet mit mir klagen. 491 waz mac uns mê gewerren danne an unserm herren, daz wir den suln verliesen und mit im verkiesen beide guot und êre? 496 wir gewinnen niemer mêre deheinen herren alsô guot der uns tuo daz er uns tuot.< Si sprâchen: >tohter, dû hâst wâr. nû vrumet uns niht umbe ein hâr 501 unser riuwe und diu klage. liebez kint, dâ von gedage! ez ist uns alsô leit sô dir. leider, nû enmuge wir im ze deheinen staten komen. 506 got der hât in uns benomen. |