Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1446 ouch enwas diu nôt niht cleine,
        daz er sî hôrte und niene sach.
        nû buozte si im den ungemach,
        wande sî nâch sîner bete
        ein venster ob im ûf tete,
1451 und liez si in wol beschouwen.
        nû sach er die vrouwen
        von jâmer lîden michel nôt.
        sî sprach 'geselle, an dir ist tôt
        der aller tiureste man,
1456 der rîters namen ie gewan,
        von manheit und von milte.
        ezn gereit nie mit schilte
        dehein rîter alsô volkomen.
        ouwê wie bistû mir benomen?
1461 ichn weiz war umbe ode wie.
        der tôt möhte an mir wol hie
        büezen swaz er ie getete,
        und gewerte mich einer bete,
        daz er mich lieze varn mit dir.
1466 waz sol ich, swenne ich dîn enbir?
[ zurück ]