Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1918 wer wær der sich sô grôz arbeit
        iemer genæme durch iuch an,
        erne wære iuwer man?
        ir sprechet eht als ein wîp.
        gebet ir im guot und lîp,
1923 ir muget ez dannoch heizen guot
        oberz willeclîchen tuot.
        nû habent ir schœne unde jugent,
        geburt rîcheit unde tugent
        und muget einen alsô biderben man
1928 wol gewinnen, obs iu got gan.
        nune weinet niht mêre
        und gedenket an iuwer êre:
        zewâre, vrouwe, des ist nôt.
        mîn herre ist vür sich einen tôt:
1933 wænt ir daz älliu vrümekheit
        mit im ze grabe sî geleit?
        zewâre des enist niht,
        wand man noch hundert ritter siht
        die alle tiurre sint dan er
1938 ze swerte ze schilte und ze sper.'
[ zurück ]