Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

2815 die nâch rîterlîchen siten
        sint gestalt und gesniten:
        und swaz er warmes an geleit,
        daz giht er ez sîn wirtes cleit.
        er treit den lîp swâre,
2820 mit strûbendem hâre,
        barschenkel unde barvuoz.
        und daz ist ie der ander gruoz
        den er sînem gaste gît:
        er sprichet 'sît der zît
2825 daz ich êrste hûs gewan
        (daz geloubet mir lützel ieman)
        sone wart ich nie zewâre
        des über ze halbem jâre
        ichn müese koufen daz korn.
2830 hiure bin ich gar verlorn
        (mich müet daz ichz iu muoz clagen):
        mir hât der schûr erslagen
        den besten bû den ich hân.
        ich vürhte ich müeze daz hûs lân.
2835 etewie ernert ich den lîp,
[ zurück ]