einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein6016 sî sprach 'lieber herre,diu bete enist niht umbe mich: si ist verre werder danne ich diu mich nâch iu gesendet hât. ich sag iu wie ez umb sî stât.6021 sî lîdet von gewalte nôt. ir vater ist niuwelîchen tôt, und wil si ir swester enterben und dâ von verderben daz sî ein lützel alter ist.6026 des hât sî kûme gewunnen vrist: über sehstehalbe wochen sô ist ein kampf gesprochen zwischen in beiden: sô wil sî sî scheiden6031 von ir erbeteile, ezn stê dan an ir heile daz sî den kempfen bringe dar der sî gewaltes bewar. nû hât sî des bewîset6036 diu werlt, diu iuch prîset, |