Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

7784 von sîner vrouwen minne
        sô manegen wîs ze verhe wunt,
        in dûhte, ob in ze kurzer stunt
        sîn vrouwe niht enlôste
        mit ir selber trôste,
7789 sô müesez schiere sîn sîn tôt.
        in twanc diu minnende nôt
        ûf disen gæhen gedanc.
        'ich trîbez kurz ode lanc,
        sone weiz ich wiech ir minne
7794 iemer gewinne,
        wan daz ich zuo dem brunnen var
        und gieze dar und aber dar.
        gewinne ich kumber dâ von,
        sô bin ich kumbers wol gewon
7799 und lîd in gerner kurzer tage
        danne ich iemer kumber trage.
        doch lîd ich kumber iemer mê,
        irn getuo der kumber ouch sô wê
        daz ich noch ir minne
7804 mit gewalt gewinne.'
[ zurück ]