einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Klage1106 so enahte ich ûf die werlt niht vil,swederz sî der zweier tuot, sî spreche mir übel oder guot; wan sô stât mîn gemüete daz aller wîbe güete1111 ze freuden mich niht vervienge, ob mir an ir missegienge. ich hân mich, herze, des begeben, ich enwil deheiner freude leben durch wân ûf ander minne.1116 swelch lôn ich des gewinne, ich wil ir iemer sîn bereit. swaz ieman ie durch wîp erleit, des enhân ich dehein werwort; âne zouber und âne mort1121 und daz an die triuwe gât so verwirfe ich deheinen rât, ich enleiste in durch ir êre. des envindestû niemer mêre an mir deheinen argen wanc.1126 „Lîp, der rede habe dû danc. |