Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

284 daz schadet uns an den wîben,
      daz maniger âne lôn bestât
      der in doch wol gedienet hât.
      Des selben hœre ich alle tage
      vil maniges mannes herzeklage
289 der doch niht tiurre möhte sîn.
      des kreftigônt die sorgen mîn,
      wan so fürht ich daz sî mirz ouch tuo.
      nû kum, tôt, ez ist niht ze fruo;
      wan swenne ich gedenke dar an
294 swaz ich freuden ie gewan,
      die leschent sich begarwe
      und wandelt sich mîn varwe
      und erzücket mich ein muot,
      der mir harte unsanfte tuot,
299 gâhes als ein donerslac,
      daz ich niht rehte wizzen mac
      waz oder wie mir ist geschehen
      oder wes ich wider den sol jehen
      der mir danne sô nâhen ist bî
304 daz er mich frâget waz mir sî,
[ zurück ]