Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Klage

586 do ich sî durch dîniu ougen sach,
      daz niht bezzers möhte sîn.
      ich riet dirz durch den willen dîn;
      war umbe wîzest dû mir daz?
      wie moht ich dir êre geben baz?
591 nû wis dar nâch veile;
      ez muoz dir komen von heile
      ob sî dîn dienest twinget
      daz dir an ir gelinget,
      sô wirst dû der sæligiste man
596 der in der werlte ie liep gewan.
      dû maht dich gerne wâgen
      an nützez râtfrâgen
      nâch alselher êre,
      der dû iemer mêre
601 von schulden muost gewert sîn,
      dû und ich, daz herze dîn.
      Dû klagest dich âne nôt ze vil.
      ja enist ez niht ein kindes spil,
      swer daz mit rehte erwerben sol
606 daz im geschiht von wîbe wol.

[ zurück ]