Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

883 wan swenne ich gewenke dar an,
      so gehazze mich wîp und man,
      ich enwelle nâch êren ringen,
      swie vil ich des mac bringen.
      Ich wæne dich gevürdert hân.
888 dû maht ez ûz dem muote lân
      daz dehein dîn meisterschaft
      an mir neme die kraft
      daz ich durch valschen rât
      gegen deheiner missetât
893 gewinne ie deheinen muot.
      mîne sinne sint sô guot,
      vil bezzer dan die dîn.
      dû muost mir gehôrsam sîn;
      sô verre dû daz niht entuost,
898 sô wizze daz dû haben muost
      manige müelîche zît:
      ez wirt ein êwiger strît.
      durch daz volge drâte
      mînem guoten râte
903 und merke mîne lêre.
[ zurück ]