Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

9366 des antwurte im der guote
        mit lachendem muote:
        "ich wil mich lâzen twingen
        vil gerne an disen dingen.
        dochz wider dem site sî getân,
9371 sô wil ich iuchz wizzen lân:
        mîn vater ist ein künec rîch,
        mîn muoter wol sîn gelîch,
        über Destrigâles lant,
        Êrec bin ich genant."
9376 "sol ich des gewis wesen?"
        "jâ ir." "sô lât mich genesen
        und nemet mîne sicherheit.
        sehet, der bin ich iu bereit:
        sô muget ir dienest von mir hân,
9381 des iu sus muoz abe gân,
        ob ich von iu wirde erslagen.
        ich wil iu mînen namen sagen.
        Mâbonagrîn heize ich."
        Êrec erbarmte sich,
9386 alsô daz er in leben lie.
[ zurück ]