Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

4738 wan nû verlius ich morgen
        alle mîn êre.'
        nû erbarmet diz sêre
        den rîter der des lewen pflac.
        er sprach 'ich sol um mitten tac
4743 morgen komen an eine stat
        dar mich ein vrouwe komen bat
        diu mir vil gedienet hât,
        und der ez an den lîp gât,
        enkum ich dar niht enzît.
4748 ob ir des gewis sît
        daz uns der rise kume sô vruo,
        swenn ich mîn reht getuo
        daz ich im an gesige,
        ob ich vor im niht tôt gelige,
4753 daz ich umbe mitten tac
        dannoch hin komen mac
        dar ich mich gelobet hân,
        sô wil ich in durch iuch bestân
        und durch iuwer edel wîp:
4758 wan mir ist mîn selbes lîp
[ zurück ]