Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

1243 herze, daz meinest dû an mich.
        „entriuwen, lîp, jâ ich.“
        wâ mite verschulde ich daz ze dir?
        „daz weiz ich wol.“ nû sage ez mir.
        „Mit unbescheidem muote.“
1248 den wandel ich gerne ze guote.
        „daz ist daz dich noch helfen sol.“
        kunde ich ez, ich tæte ez wol.
        „dâ volge den die wîser sint.“
        nû lêre mich, ich bin dîn kint.
1253 „und ich dîn gewisser râtgebe.“
        sô volge ich dir als gerne ich lebe.
        „Sô solt dû liebes dich versehen.“
        daz müeze uns beiden noch geschehen.
        „dîn wünschen hilfet dich niht ein hâr.“
1258 herze, daz ist vil wâr.
        „wünschen was unmanlich ie.“
        nû wil ouch ich ez versprechen hie.
        „ist dir nâch ir minne nôt?“
        jâ enminnet sî mich niht, ez ist mîn tôt.
1263 „sô lâ dînen ernest wesen schîn.“
[ zurück ]