Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Iwein

138 und enschadest niemen mê dâ mite
      danne dû dir selbem tuost,
      daz dû den iemer hazzen muost
      deme dehein êre geschiht.
      dû erlâst dîns nîdes niht
143 daz gesinde noch die geste:
      der bœste ist dir der beste
      und der beste der bœste.
      eins dinges ich dich trœste:
      daz man dirz immer wol vertreit,
148 daz kumt von dîner gewonheit,
      daz dûs die bœsen alle erlâst
      und niuwan haz ze den vrumen hâst.
      dîn schelten ist ein prîsen
      wider alle die wîsen.
153 dune hetest diz gesprochen,
      dû wærst benamen zebrochen;
      und wære daz, weiz got, vil wol,
      wan dû bist bitters eiters vol,
      dâ dîn herze inne swebet
158 und wider dînen êren strebet.'

[ zurück ]