Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

4966 daz ers ir geburt unde ir namen
        niht enkan geniezen lân,
        swaz sî im joch hæten getân.
        ichn sol kein rîter schelten:
        iedoch muoz er engelten
4971 sîner ungewizzenheit.
        deiswâr, mac ich, ez wirt im leit.'
         Er hete in kurzen stunden
        den helm ûf gebunden
        und was vil schiere gereit:
4976 daz lêrt in diu gewonheit.
        sîn ors sach er bî im stân,
        er hiez die brücke nider lân.
        er sprach 'diz sol sich scheiden
        unser einem ode uns beiden
4981 nâch schaden und nâch schanden.
        ich getrûwes mînen handen
        daz ich sîn drô genidere.
        deiswâr er muoz iu widere
        iuwer süne gesunde geben,
4986 ode er nimt ouch mir daz leben:
[ zurück ]