Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

6988 ze orse huop sich der strît.
         Sî mohten wol strîten,
        wand sîs ze den zîten
        niht êrste begunden.
        wie wol sî strîten kunden
6993 ze orse und ze vuoze!
        ez was ir unmuoze
        von kinde gewesen ie:
        daz erzeicten sî wol hie.
        ouch sî iu daz vür wâr geseit:
6998 ez lêret diu gewonheit
        einen zagehaften man
        daz er getar unde kan
        baz vehten danne ein küener degen
        der es ê niht hât gepflegen.
7003 dô was hie kunst unde kraft:
        sî mohten von rîterschaft
        schuole gehabet hân.
        zewâre man muose in lân
        von rîterschefte den strît,
7008 swaz rîter lebete bî der zît.
[ zurück ]