Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

883 er gienc hin ûz zuo in zehant,
      dâ er sî sament sitzen vant.
      sî sprungen ûf: daz was im leit
      und zurnde durch gesellekheit:
      wander was in weizgot verre
888 baz geselle dan herre.
      er saz zuo in dâ nider.
      diu künegin saget im her wider
      Kâlogrenandes swære
      und älliu disiu mære.
893 Nû hete der künec die gewonheit
      daz er nimmer deheinen eit
      bî sînes vater sêle swuor
      wan des er benamen volvuor.
      Uterpandragôn was er genant.
898 bî im swuor er des zehant
      (daz hiez er über al sagen)
      daz er in vierzehen tagen
      und rehte an sant Jôhannes naht
      mit aller sîner maht
903 zuo dem brunnen wolde komen.
[ zurück ]