einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec8494 ichn weiz wie ez nû ergê:wol ein halp jâr oder mê ist des daz im niemen kam, sît daz er den lîp benam rittern die ich genennen kan. 8499 er sluoc benamen hie drî man sô man si beste erkande in deheinem lande. der eine Venegus hiez, der eht niht des enliez 8504 daz ze manheit gezôch, Opinâus der nie gevlôch, Tibaut der dritte man, der vordes manegen prîs gewan: der was von Winden geborn. 8509 sît die den lîp hânt verlorn, sône durfet irz niht versuochen. und welt irs geruochen, sô gibe ich iu den besten rât, daz ir des vehtens abe stât. 8514 sô gemuot ist der starke man, |