Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

4442 'waz uns arges werre,
        der mære endurfet ir niht gern.
        iedoch enwelt irs niht enbern,
        sô sage ich iu unser arbeit:
        so beswært ez iuch: daz ist mir leit.
4447 ez ist iuch nützer verswigen,
        und vreut iuch mitten sæligen.
        ich bin der Unsælden kint:
        mit ten die unsælec sint
        muoz ich leider sîn unvrô:
4452 wan ez geziuhet mir alsô.'
         Dô bat der gast unz an die stunt
        daz im der wirt tete kunt
        alle sîne swære.
        er sprach 'mir ist unmære
4457 der lîp immer mêre:
        wand ich alte ân êre,
        mir wære bezzer der tôt.
        ich lîde laster unde nôt
        von einem sô gewanten man
4462 daz ich mich gerechen niene kan.
[ zurück ]