Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Klage

1052 dem tiuvel ze ingesinde.
        sô sîn unheiles geborn
        und ouch iemer verlorn
        beide mit ein ander wir.
        herze, dar nâch rât mir
1057 wie dû wellest daz ich tuo,
        und verleite mich niht dar zuo
        dâ von wir verlorn sîn;
        wan mîn dinc ist daz dîn.
        Mîn wille niht enfliuhet
1062 swaz ze dienste geziuhet:
        swaz ich getuon mac oder sol,
        daz leiste ich gerne und tuot mir wol;
        swaz mir ze lîdenne geschiht,
        ez vervâhe wol oder niht,
1067 ich versuoche ez iemer die wîle ich lebe.
        got sî der uns gelücke gebe.
        Ist daz ez mir aber sô ergât
        daz mich daz unheil bestât
        daz mir dâ niht gelingen sol,
1072 dannoch tuot mir daz vil wol

[ zurück ]