Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Klage

179 den si wider mich nû lange hât.
      herze, nû sprich, waz ist dîn rât?
      Dû hieze mich ir dienen ie;
      daz tæte ich gerne, wiste ich wie.
      wære sî mir alsô guot,
184 daz sî leider niht entuot,
      daz sî spræche ze mir
      'dînen dienst wil ich von dir,'
      swie der danne wære,
      senfte oder swære,
189 gezüge ez nâch unz an den tôt,
      daz diuhte mich ein senftiu nôt,
      und wart nie dehein freise sô getân
      die dâ ieman solde bestân,
      ich enwære durch sî dar zuo gereite.
194 ouwê daz sî mir niht enseite
      wes sî von mir geruochte,
      daz si mîne triuwe versuochte!
      des enmac doch leider niht sîn.
      nû wizzest dû daz, herze mîn,
199 daz ich ez lîde durch dîn gebot.

[ zurück ]